Activities

Katulad ng ipinangako ni Mayor Boyet, tuluy-tuloy pa rin ang ginaganap na MEDICAL AT DENTAL MISSION sa ating bayan sa tulong ng Thunderbird
Resorts na isinasagawa sa iba’t-ibang Barangay sa Binangonan. Sa loob ng dalawang taong panunung- kulan ni Mayor Boyet, nagkaroon na tayo ng 32 medical at dental missions.

Umabot na sa 52 ang ating mga kababayan na nabigyan ng FREE CATARACT OPERATION, at ito ay madadagdagan pa. Ang nasabing libreng operasyon ay magpapatuloy kada taon.

Matagumpay pa din nagpapatuloy ang ginaganap na quarterly JOBS FAIR, bilang tugon ni Mayor sa kakulangan sa trabaho. Ang programang ito ay sa pamamagitan ng PESO, at umaabot sa average na 27% ng mga aplikante ay nabibigyan ng trabaho tuwing job fair.

Muling namigay si Mayor ng mga bags at iba pang school materials sa mga elementary students ng District I, II and III. Umabot sa 2,531 ang mga bags at school materials na naipamahagi sa ating mga batang mag- aaral na pinili katulong ang MSWD mula sa mga kapus-palad na pamilya sa ating bayan. Ang proyektong ito ay sa tulong nang Thunderbird Resorts, Yuvallios family of Cebu City at iba pang kaibigan ni Mayor na sumusuporta sa kanyang mga adhikain at layunin.

Namigay din si Mayor ng mga wheelchairs sa ilan nating mga kababayan na disabled sa tulong ni Mrs. Veronica Rivera ng Petron Gas Station.

Nagkaroon din tayo ng FEEDING PROGRAM para sa mga batang under weight o malnourished na may edad na 3-6 yrs old. Sa ilalim ng nasabing feeding program, ang mga batang napili ay pakakainin ng mga masusustansyang pagkain at magkakaroon din ng regular monitoring sa kanilang health improvement and condition.

Isang KASALANG BAYAN din ang ginanap sa Ynares gym noong Marso 25, 2009. Umabot sa 61 na pares ang nakapagpakasal ng walang bayad at mauulit ito sa buwan ng Disyembre. Nagkaroon din ng salu-salo, na inihanda ni Mayor Boyet para sa mga nagpakasal at ilang bisita. Ito ay sa pakikipag-
tulungan ng BYLM at Thunderbird Resorts.

Sa pamamagitan ng Boyet Ynares Ladies Movement (BYLM), nagkaroon ng patuloy na seminar ukol sa food processing and preservation at rag making. Sa kasalukuyan, mayroon ng 454 ang nakatapos na binubuo ng 9 batches, at kanila ng pinakikinabangan ang natutunan sa nasabing livelihood seminar. Sa ilalim ng programang ito, lahat ng mga nakapagtapos ay binibigyan ng P 1,000 bilang panimulang puhunan.

**Patuloy pa din ang pagbibigay ng makabuluhang financial assistance sa mga nangangailangan nating kababayan.

More More News and Events >>

Ipagpatuloy ang mga nasimulan ng mga programa sa pangkalusugan, imprastraktura, pang edukasyon, pangkabuhayan at marami pa

Manghikayat ng mga investors o mamumuhunan, dayuhan man o lokal sa ating bayan upang makapagbigay ng dagdag na income sa ating Pamahalaang Bayan at trabaho sa ating mga kababayan (Light and Medium Industries).

Pagpapatupad ng No silencer and muffler, No Travel policy.

Paglalagay ng Dialysis Center sa tabi ng Binangonan Hospital sa Pritil. Layunin nito na matulungan ang ating mga kababayang may sakit.

Magkaroon ng permanenteng one stop shop office sa ating Pamahalaang Bayan. Layunin nito na mapabilis ang pagproseso ng mga permits, license at franchise ng ating mga kababayan. Isang paraan din ang paglalagay ng one stop shop upang maiwasan ang pakikialam ng fixers at suhol (red tape) sa mga kawani ng lokal na Pamahalaang Bayan.

Balaking bumili ng isang lote upang pagtayuan ng Multi Purpose/Training Center na may kasamang Bowling Alley, Swimming Pool, Tennis Court at iba pang Sports Facilities, Conference Room, Auditorium at Dormitoryo na mayroong humigit kumulang sa isang daan at apatnapung (140) silid. Ito ay magsasampa ng dagdag na income sa ating Pamahalaang Bayan. Kasama na din dito ang motorpool at impounding area.

Back to top